Euskararen inguruko kexak jasotzeko postontzia jarri du Irurako Udalak

DV. Irurako Udalak euskararen buzoia jarri du herritarren eskura udaletxean. Hizkuntza Eskubideen Behatokiak eskaintzen duen zerbitzua da postontzia. Bertan herritarrek euskararekin erlazionatuta izan dituzten arazoak idatzi ahal izango dituzte, hala nola, euskaraz tramitazioak egin ez ahal izatea, hizkuntza eskubideei buruzko argibideak eskatzeko edota jarrera txalogarriak aipatzeko.

Postontzia udaletxean egongo da bulego ordutegian, 8:00etatik 15:00etara. Era berean bi telefono daude herritarren eskura: 920194332 (euskararen telefonoa) eta 943260372 (Udalerri euskaldunen Mankomunitatea). Ekimen honen inguruko informazio gehiago Euskararen telefonoaren webgunean lortu daiteke, www.euskararentelefonoa.com helbidean.