Jon Sarasua gaur arratsaldean egongo da Portalean

Idazlearekin harixa emoten euskarazko irakurketa klubak uda aurreko azken saioa burutuko du gaur, arratsaldeko 19:00etan hasita, Portaleako areto nagusian. Gaurko protagonista Jon Sarasua idazlea izango da eta nahiz eta irakurle taldeko ekintza izan parte-hartze irekia du ekitaldiak. Sarasuak bere 'Hiztunpolisa. Euskaltasunaren norabideaz apunteak' lanari buruzko aurkezpen edo hitzaldia emango du. Bertan hizkuntzaren egoerari buruz bere kezkak eta ikuspuntuak azaltzen ditu, «euskalgintzan interesa duenari eta euskararen norabidearen eta egun dauden joeren gainean hausnartu nahi duenari zuzendutako hitzaldia», diote Juan San Martin liburutegitik.