Konposta auzolanean eginez eta zainduz Zestoan

Zestoan hainbat konposta gune badaude ere (auzoetan, beste gune batzuetan, norbanako ugari, abar) agian nabarmenena eta ikurra dena Zubimusu auzunean kokatzen dena izango da. Bertan 35 familiak botatzen dute zabor organikoa, gero hau konposta edo ongarria bihurtu dadin, eta atzo ikusi genuen bezala konpromisoa eskatzen du jarrera honek.

Konpromisoa, zaborra bertara botatzeko orduan, ondo bota behar baita, 'lehorrarekin' nahastuz eta abar. Eta konpromisoa ere edukion-tziak betetzen direnean, zabor organikoa ongarria bihurtu ostean, hauek hustu eta gunea txukun uzteko; horrela, atzo ere -orain 6-8 hilabete bezala- herritar talde hau han aritu zen jo ta ke, denak elkarrekin, konpost gunea txukuntzen, edukiontziak hustu eta ongarria tamizatzen.

Gero, ongarri hau Iraetako kale-baserriantzat izango da, han dauden 40 partzela horietan erabiltzeko. Hauek ziur eskertuko dutela atzoko auzolana.