Jokalariak, gogo eta ilusio handiz

Atzoko aurkezpenera euskal selekzioko bost jokalari gerturatu ziren. Batetik, Txomin Bujanda eta Erik Balenciaga, biak ere Amenabar Zarautz-ko jokalariak. Erronka honen aurrean eta euskal selekzioarekin etxean jokatzearekin oso ilusionaturik daudela aitortu zuten. Beraiekin batera Alberto Agirrezabalaga, denboraldia Zarautzen hasi arren, Frantziako Lehen Mailako Nimes taldeak fitxatu zuen eta han dabil bere mailarik onena ematen. Era berean, Iker Serrano gerturatu zen. Zumarragako piboteak orain 11 urte Zarautzen jokatu ondoren, lagun asko egin zituela eta urte hartako oroitzapen oso onak dituela adierazi zuen, ateak ireki zitzaizkiolarik bere ibilbide profesionalerako. Talde askotan ibili ondoren, aurten FrantziakoMulhose taldean jokatzen du. Atzoko aurkezpera, Bidasoako atezaina den Asier Zubiria usurbildarra ere gerturatu zen. Larunbatean maila onena ematen saiatuko direla esan zuten guztiek.