PSE-EEk Gipuzkoako Hondakinen Kontsortzioaren egoera «kolokan dagoela» ohartarazi du

Gipuzkoako PSE-EEk Gipuzkoako Hondakinen Kontsortzioaren (GKH) egoera ahulaz ohartarazi du eta hura kolokan dagoela ziurtatu du Herri-Kontuen Euskal Epaitegiak bere azken txostenean azaldu duen bezala. Denis Itxaso ingurumen arduradunaren esanetan, 2012 urteko jarduera aztertzen duen txosten honek guk azken urteetan salatu ditugun hainbat egoera berresten ditu. Itxasok nabarmendu du Bilduk ez dituela indarrean dauden legeak aldatu izan nahi, badakielako gutxiengo posizioan dagoela bai Foru Aldundian baita GHKn ere. Zaborren kudeaketarako Gipuzkoan indarrean dagoen plangintza ez betetzea egotzi dio Bilduri, baita aldaketak (besteak beste errauskailua bertan behera uztea) Batzar Nagusietara eraman ez izana ere. Aurkeztu ditzatela proposamen horiek, euren txosten teknikoekin, Batzar Nagusietan eta eztabaida ditzagun. Aldaketak ez dira prentsaurreko batean aurkezten. Hau guztia Bilduren kalitate demokratiko eskasaren adierazle omen da, Itxasoren esanetan.

Bestalde, nabarmendu du txostenak esaten duela badaudela hor hainbat kreditu errauskailua eraikitzeko pentsatuta zeudenak eta beste gauza batzuetarako erabiltzen ari direnak. Besteak beste, Itxasok jakinarazi du bere garaian konpentsazio modura, Gipuzkoako zabor guztiak kudeatuko zituen planta, errauskailua barne, bere lurretan eraikitzea erabaki zenez, Donostiako Udalari 10,6 milioiko ordaina ematea erabaki zela. Nik neuk eta orduan alkate zen Odon Elorzak parte hartu genuen negoziaketan eta akordio hori lortu genuen. Gauza da, kontsortzioak diru hori Donostiako Udalari jada eman diola baina errauskailurik ez dela egingo Zubietan eta, aldiz, Gipuzkoako zabor guztiak Zestoara joango direla.

Txostenak ere omen dio Aldundiak dagokiona baino diru gehiago jarri duela. Itxasok azaldu duenez, Aldundiari GHKren %33 dagokio, baina Herri-Kontuen Euskal Epaitegiak dio 54 milioi besterik ez direla inbertitu eta 26 milioi pasatxo jarri.