Agur Lasarteko Dana Ona jatetxeari

Egungo egoera ekonomiko zailak behartuta, beste establezimendu batek pertsiana itxi beharko du laster. Oraingo honetan, Lasarten, Donostiako Hipodromoaren ondoan, dagoen Dana Ona jatetxe klasikoari egokitu zaio. Bere sukaldaritza tradizionalagatik eta parrillan egindako arrainengatik ezaguna, urte askoan ezinbesteko geldialdi izan da askorentzat, bereziki zaldi lasterketetara edota Realaren instalazioetara joan izan direnentzat. Gipuzkoako familia askoren bilgune ere izan da.

Azken hilabeteotan, ordea, egoera konplexu bati aurre egin behar izan dio, bezero kopuruak nabarmen egin baitu behera. Egun, langileekin negoziatzen ari da eta badirudi datorren hilabetean krisiak aurretik eraman dituen jatetxeen zerrendan sartuko dela Dana Ona.