XXXVI. Ibilaldi Neurtua heldu den igandean, Bizardia elkartearen eskutik

Gurutzeko Bizardia elkarteko mendi taldeak, Oiartzungo XXXVI. Ibilaldi Neurtua antolatu du heldu den iganderako, Oiartzungo Udalaren laguntzarekin. Doneztebe plazan hasi, eta bost orduko ibilaldia egin ondoren, Gurutzen izango dute helmuga mendizaleek.

Irteeran izan nahi dutenek, igandean bertan eman behar dute izena. Bizardiako Mendi taldeak jakinarazi duenez, mendia gustuko duten guztiek parte har dezakete. Aurreneko taldea 07:30ean aterako da Doneztebe plazatik, eta besteak minututik minutura. Aurtengoan Oiartzungo herritik eta Errenteria-Oreretatik barrena ibiliko dira mendizaleak. Elizalde auzotik abiatu eta Estrataburu, Eldotz errota, Aldura, Listorreta, Belabaratz, Paraiso eta Arizabalo izeneko parajeak igaro eta Gurutze auzoan amaituko dute. Bidean zehar zenbait tokitan fruta eta ura jarriko dituzte mendizaleak indarberri-tzeko eta elkartean bertan salda beroa eta pintxoak egongo dira.