Dantzari Txiki Eguna, laugarrenez

Haurtzaro dantza taldeak antolatuta, IV. Dantzari Txiki Eguna izan zuten igandean Oiar-tzunen. Gipuzkoako Beasaingo Aur-tzaka taldea, Tolosako Udaberri taldea, Lezoko Murixka taldea, Errenteriako Ereintza taldea, Zumaiako dantza taldea eta Oiartzungo Elizalde taldea; Gasteizeko Indarra taldea eta Iruñako Eugi taldea izan ziren gonbidatuak. Goizeko 11:00etan dantzari bilkura egin zuten Haur-tzaro ikastolako frontoian. Eguraldia petrala zela eta, 11:30ean abiatu ziren dantzariak, desfile dotorea osatuz. Plazara joatekoak baziren ere, euriaren beldur Elorsoro kiroldegian bildu ziren.

Gurasoz, senidez eta herritarrez gainezka zegoen pilotalekua haur eta gaztetxoek eskainiko zuten emanaldiaren zain. Txandaka-txandaka, dantza talde bakoitzak bere emanaldia egin zuen, Euskal Herriko dantza guztiak uztartuz.

Txikienek nahiz gaztetxoek, dan-tzari guztiek, gogoz erakutsi zuten nola dantzatzen duten. Saio bakoitza amaitzean txalo zaparrada jaso zuten guztiek.

Gero, atsedena hartzeko tenorea zela eta, ikastolako jantokian bildu ziren dantzari guztiak bertan bazkaltzeko. IV. Dantzari Txiki Eguna Kontzejupean bukatu zen, arratsaldeko dantzaldiarekin. Arra-tsaldeko 17:00etan hasi zen erromeria, ikastolako pilotalekuan. Ez zen dantzatzeko aitzakiarik behar igandean.

Dantzariek ederki astindu zituzten euren gorputzak, arratsaldean ere.