Arin-arin eta Fandango dantzak ikasteko saioak, Haurtzaro Dantza taldearen eskutik

Haurtzaro Dantza Taldea ez dago oporretan eta Fandango eta Arin-arin dantzatzen ikasteko saioak antolatu ditu 6-16 urteko neska-mutilentzat. «Haurtzaro Dantza Taldeko monitoreok bideratu ditugu saioak eta Ikastolako edozein haurri zegoen irekia, ez dantza taldekoei bakarrik», argitu du Araitz Iparragirre dantza irakasleak. 27 gaztetxo animatu dira, LH eta DBHkoak. Ikastolako Psikomotrizitate gelan elkartu dira aste honetan, hiru egunez eta dantza horiek ikasteaz gain «oso ongi pasa dugu». Opor hauetako dantza saioak amaitu badira ere, «errepikatuko dugun proiektua izango da, izugarri gustura egon baikara guztiok dantza berriak eta ez hain berriak ikasten», aitortu du Iparragirre gazteak.