Haurrengan irakurzaletasuna sustatzeko tailerra emango du Pello Añorgak

Zero eta sei urte arteko haurren artean irakurzaletasuna sustatzeko tailerra eskainiko du Manuel Lekuona bibliotekak. Elkar entzuteko guneak sortzen ipuinak lagun izenburupean, Pello Añorga ipuin-kontalari, idazle eta irakasleak dinamizatuko du tailerra. Lau saioko tailerra izango da, bakoitza bi ordu eta erdikoa: hilaren 14, 15, 21 eta 22an. 17:30etik 20:00etara izango da saio bakoitza.

Tailerra batez ere gurasoei zuzendua da. Hala ere, saio irekiak dira eta irakasle, hezitzaile edo interesatuta dagoen edonork parte har dezake. Tailerrean parte hartzeko ez da aurrez izenik eman beharko.