«Bi herriotako kultura dinamizatu eta bideratzeko motorra izan daiteke, elkarte guztion elkargunea eta erreferentea. Kultur etxearen eraikinak dituen potentzialitateak ikusita proiektu aproposa dela iruditzen zaigu. Kultur arloa dinamizatu eta euskara prestigiatuko duen proiektu estrategikoa. Gainera, kafe antzokien inguruan zirkuito bat sortzen ari da pixkanaka eta oso egokia litzateke zirkuito kultur horretan kokatuko bagina», adierazten dute lan taldetik. «Gure proposamena lantzen hasi gara jada eta datorren egunotan bilera bat egin nahi dugu kulturgintzan murgilduta dauden elkarte eta norbanako askorekin. Behin proposamena landuta alderdi politiko eta Udalari aurkeztuko diegu», aurreratzen dute. «Zelai Aristi ikastetxean Kultur Etxea bilakatzeko proiektu erakargarri eta potentea izanik, ez dugu uste behar bezalako eztabaidarekin egin denik eta egiten ari denik. Kulturgintzan konprometiturik dauden elkarte eta norbanakoen parte hartze zuzena ezinbestekoa da horrelako proiektuen aurrean», diote. «Elkarteekin egon dira Udalaren ordezkariak eta bilerak ere egin dira, baina espazioaren antolaketaz besterik ez da hitz egin. Udalak ez du diseinuaz haratagoko eztabaidarik bultzatu eta elkarteok ez dugu gure lokalaren neurriaz aparte ezer gehiago proposatu». «Herriko kultur azpiegitura garrantzitsu honek, zein kultur eredu nahi dugun eta nola dinamizatu nahi dugun baldintzatuko du etorkizunean. Hortaz, uste dugu, etxea teilatutik eraikitzen hasi dela. Kultur etxearen ikuspegia, helburuak eta bultzatuko den kultur eredua adostu behar dugu lehendabizi alderdi politiko eta kultur eragileon artean. Ondoren iritsiko da tenorea, diseinuaz, espazioaz edo kudeatzaileaz hitz egiteko», diote Ojanguren, Babarro eta Aztiriak.
Secciones
Servicios
Destacamos
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.