Itxaropenako Pello Unzurrunzagak Dabilen Elea saria jaso zuen atzo

Itxaropena inprimategiko Pello Unzurrunzagak Dabilen Elea saria jaso zuen atzo. Iazko sarituak eman zion, Joan Mari Torrealdaik. Euskal Liburuaren Gauaren barruan izan zen sari emate hori, bertara editoreak, idazleak, irudigileak, itzultzaileak eta Galtzagorri elkarteko kideak bildu zirelarik. 1952an abian jarritako 'Kuliska' liburu bildumagatik jaso zuen saria Itxaropenak, eta atzoko ekitaldian zehar hango zenbait pasarte irakurri ziren. Eusko Jaurlaritzako Blanca Urgell eta Lurdes Auzmendik, adibidez, Hemingwayren 'Agurea eta itsasoa' eleberriko hitzaurreko zati batzuk irakurri zituzten, non Jose Artetxek kontatzen zuen nola jarriziren harremanetan amerikar idazlearekin. 'Noni eta Mani' eta 'Biotz-begietan'-eko pasarteak ere irakurri ziren. DV