Gernikako Bake bidean akordioaren alde hatz marka biltzea Eroski aurrean

Bake bidean akordioa urriaren 25ean sinatu zuten Gernikan, Euskal Herriko 28 alderdi eta eragilek. Azkoitian dauden eta Gernikako Akordioaren sinatzaile diren hainbat eragile elkartzen hasi ziren azaroan, akordio hori Azkoitian herriratzeko, zabaltzeko eta atxikimenduak biltzeko asmoz. Akordio hori herriratze bidean eta atxikimenduak biltzeko, hainbat ekimen antolatu dira abenduan, gaur arratsaldean Maxi Eroskin eta 30eko arratsaldean Kontzejupean, helburua ahalik eta hatz marka gehien biltzea izango delarik, herritar guztiek ere akordioari babesa emateko aukera izan dezaten. Bestalde, urtarrilaren 4an, 19:30etan kultur etxean egingo dute batzar irekia.