Gernikako Akordioa Irunen aurkeztu zuten atzo

'Bake bidean aterabide demokratikoen akordioa', Gernikako Akordioa bezala ezaguteratzera eman dena, publikoki aurkeztu zuten atzo Irunen dokumentuaren eragile eta sinatzaileek. Hiriko Musika Kontserbatorioko areto nagusian eskualdeko herritarren aurrean akordioa plazaratzeko ekimena antolatu zuten Irun eta Hondarribiko Ezker Abertzalea, Eusko Alkartasuna, Aralar, Iratzarri, Etxerat, Amnistiaren Aldeko Mugimendua, LAB, Gazte Independentistak eta Bilgune Feministak. Dagoeneko, Bidasoan bildu diren atxikimenduak, 500 baino gehiago, aurkeztu ziren atzo.