Dantzako 40 ikasle, larunbat honetan ibaiako pasealekuan

Kulunka Dantza taldeak Debako ibaiako pasealekuan barra klasikoaren emanaldi bat antolatu du larunbat honetan Nazioarteko Dantzaren Eguna ospatzeko. Ekintza 13:00etan hasiko da eta bertan adin guztietako 40 ikaslek parte hartuko dute.

Emanaldia hasteko dantza eguneko aurtengo manifestua irakurriko da. Urtero, dantza munduan garrantzia izan duten pertsonaiek idazten dute zati hau. Oraingo honetan, Lin Hwai-min -ek egina da, Taiwan-go Cloud Gate Dance-eko sortzaile eta zuzendari artistikoak. Ondoren, dantzariek dantza klasiko estiloko ariketak gauzatuko dituzte.