Ampoko erakusketa ikusgai Lazkaon ostirala bitartean

Martxoan ekonomia eta berrikuntza Goierrin zikloa jarri du martxan Lemniskatak, Goierriko Zientzia Sare Herrikoiak, eta aste honetan zehar, martxoaren 21 arte, Amporen inguruko erakusketa izango da ikusgai Lazkaoko kultur etxeko erakusketa aretoan.

50. urteurrena ospatzen ari diren honetan, enpresak, bere produktuak ezagutzera emateko erakusketa ikusgarria antolatu du, eta Lazkaoko herrian egongo da oraingoan.

Beasaindarrek eta ordiziarrek aurreko asteetan izan dute ezagutzeko aukera eta Idiazabalen ere izango dute Lazkaotik pasa ondoren. Arratsaldeko 17:00etatik 19:00etara, gainera, bisita gidatuak egiteko aukera eskainiko zaie Lazkaoko Kultur etxera hurbiltzen direnei, Ampoko arduradunen eskutik.