Antzuola

Manex Astigarraga, Esti Curiel eta Xabin Fernandezen bakarrizketak gaztetxean ostiral honetan

Antzuolako gaztetxeak bakarrizketa saioak antolatu ditu ostiral honetarako. 20:30ean hasita, proposamen hirukoitza izango da. Hala, Manex Astigarraga debarra, Esti Curiel zumaiarra eta Xabin Fernandez legorretarra arituko dira taula gainean euren bakarrizketekin. Sarrera doakoa da.

Hiruak ere eskarmentuko artistak dira taula gainean. Astigarragak hainbat bakarrizketa eraman ditu oholtzara eta bertsolaritza munduan ere ezaguna da bere ibilbidea. Curielek hemeretzi urte daramatza antzerki munduan, bai aktore modura, baita sortzaile modura ere eta hainbat antzerki talderekin egin du lan. Fernandezen aurpegia ere aski ezaguna da. Izan ere, berriemaile, erredaktore eta aurkezle lanetan ibilia da telebista nahiz irratian.