Aretxabaleta

Elgetarrak nagusi frontenisean

Emakumeen Nazioarteko Egunaren bueltan UDAk, Loramendik eta Udalak hamargarrenez antolatu duten frontenis txapelketak giro ederra sortu zuen asteburu guztian Iturrigorri pilotalekuan. Hamar bikote izan ziren lehian, eta larunbateko ligaxkaren eta igandeko finalaurrekoen ostean, Maitena Mañarikua eta Mireia Rubio elgetarrak eta Ihintza Imaz eta Maialen Ezeolaza goierritarrak iritsi ziren finalera. Lehengoak nagusitu ziren partidu luze batean ostean, 22-21eko markagailuarekin. Hirugarren eta laugarren posturako partidan Lierni Zangitu eta Ibone Arrieta 22-19 gailendu zitzaizkien Jasone Zabala eta Zuriñe Etxaniz herritarrei.