Aretxabaleta

Euskararen Eguna ospatuko du gaur Loramendi elkarteak egun osoan

Goizetik hasita eta egun guztian zehar ospatuko da gaur Aretxabaletan eta Loramendi euskara elkarteak antolatuta, Euskararen eguna, 30. urteurrenaren baitan. Goizeko 11:00etatik 13:00etara bitartean Errigorako saskien banaketa egingo da. Amaitzean, bertso kalejirari emango zaio hasiera. Ondoren, 14:00etan bazkaria izango da eta horren ostean, bingo musikatua.

Jai giroak arratsaldean jarraituko du, 19:00etatik aurrera Zuttik elektrotxarangaren eskutik. 21:00etan Albina Startdust eta eta Divina Comedia iritsiko dira Aretxabaletara eta eguna musikarekin bukatzeko, 23:00etatik aurrera, Gautegun erromeria.