Aretxabaleta

Hamargarren frontenis txapelketa asteburu osoan Iturrigorri frontoian

UDAk Loramendi elkartearekin eta Aretxabaletako Udalarekin batera antolatu duen emakumezkoen frontenis txapelketaren hamargarren edizioak hamar bikote jarriko ditu lehian asteburu honetan, bost bikoteko bi multzotan banatuta.

Txapelketa ligaxka modalitatean jokatuko da gaur goiz osoan zehar. A multzoko bikoteak goizeko 08:00etatik aurrera arituko dira lehian, eta aurreikusitako azken norgehiagokari 11:00etan emango diote hasiera. 11:20etatik aurrera, berriz, B multzoko partidak jokatuko dira.

Multzo bakoitzeko sailkapenean lehen bi postuetan gera-tzen dira bikotzeatk pasatuko dira hurrengo fasera, bihar 10:00etatik aurrera jokatuko diren final aurrekoetara, hain zuzen. Lehenengo sailkatuak bigarrenen aurka arituko dira.

Finalaurrekoak galtzen dituzten bikoteak goizeko 11:00etan aurrez aurre arituko dira, hirugarren eta laugarren postuak erabakitzeko. Txapelketako final handia eguerdiko 12:00etan jokatuko da.

Hamar bikoteetatik erdia herriko emakumeak dira; gainerakoak Debagoieneko beste herri batzuetakoak, Goierrikoak nahiz Gasteizkoak.