Aretxabaleta

Karmele Igartua bekara lanak aurkeztu daitezke datorren larunbatera arte

Parte hartzaile bakoitzak lan bakarra aurkeztu ahal izango du. Lanak originala izan behar du, argitaratu gabea eta euskaraz idatzia, ez da onartuko itzulpenik. Aurkezten den lanak 10-15 orrialde arteko luzera izango du. Lerro arteko tartea 1,5ekoa izango da. Gaia Iibrea izango da.

Lanak posta arruntez edo posta elektronikoz bidali daitezke, Otalora kalea 1, 20550 Aretxabaleta helbidera eta kultura@aretxabaleta.eus postara hurrenez hurren. Udaletxean bertan ere aurkez daitezke, jendeaurreko ordutegian.

Epaimahaia Bergarako Idazle Eskolak izendatuko du erakunde horretako kideen eta literatura munduko pertsonen artean aukeraturiko kideekin osatuko da. Jasotako lan guztiak aztertu ondoren, epaimahaiak irabazlea aukeratuko du. Erabakia 2024ko abenduaren 21a baino lehen jakinaraziko da.

Irabazleak 2.500 euroko diru saria jasoko du. Lan irabazlea Aretxabaletako Udalaren eta Bergarako Idazle Eskolaren jabatzan geratuko da urtebetez. Erakunde horiek epe horretan bakarrik erabili ahal izango dituzte egile-eskubideak.