Aretxabaleta

Santa Ageda egun biribila Kurtzebarri eskolan

Santa Agedako tradizioa ederki bete zuten astelehenean Kurtzebarri eskolan. Izan ere, batetik, Santa Ageda neska-mutilak bertan izan ziren, emanaldi «borobila eta bikaina» eskainiz, eskolatik azaldu dutenez. Lehenengo patiora sartu ziren kalejiran, gero banakoa dantzatu zuten, eskolako abestia abestu eta dantzatu, eta bukatzeko kalejiran irten ziren patiotik 'Agur Zuberoa' abestuz. Bestetik, Haur Hezkuntzako eta Lehen Hezkuntzako lehen eta bigarren mailako ikasleak eskean irten ziren.