Eskoriatza

Euskararen Herri Eguna ospatuko da gaur eta 0km artisau azoka domekan

Hamarratz talde oñatiarrak erromeria alaituko du iluntzeko 20:00etan hasita. Eta horrez gain, Inkernu tabernan Pineapple Sweet DJak emanaldia egingo du 22:00etatik aurrera.

Bihar igandean Gabonetako 0KM artisau azoka egingo da plazan jarritako karpan. Eskoriatzako eta inguruko hogei bat arti-sauek euren postuak jarriko dituzte 11:00etatik 14:30era.

Bertan hainbat lan, produktu berezi, eskuz egindakoak eta bakarrak ikusi eta erosi ahal izango dira, hala nola zurezko lanak, makilak, jolasak, poltsak eta koleteroak, argizaridun oihalak, propolioa, hegazti-argizariarekin egindako kandelak, xaboiak, haziekin egindako lepokoak eta bisuteria, xanpuak, ukenduak, kuartzo-olioak, zeramikak, belarritakoak, orri-puntuak, liburuak eta askoz gehiago.