Eskoriatza

Oihana Arana nagusi Antzuolako bertso saioan

Gipuzkoako Bertsolari Txapelketarako sailkapen fasea, Gipuzkoa Bertsotan, bigarren itzulian sartu da bete-betean eta Arana Cardenal ahizpa eskoriatzarrek maila onean jarraitzen dute. Izan ere, Haizeak lehen itzuliko euren saioa irabazi bazuten, zapatu honetan Antzuolan jokaturikoan Oihana izan zen lehen sailkatua 353,5 punturekin. Haren atzetik honela geratu zen sailakapena; Manex Mujika Amunarriz (329,5 puntu), Beñat Iguaran Amondarain (321), Haizea Arana Cardenal (305,5), Manex Astigarraga Bergara (291); eta Emaitz Murua Arzallus (288,5). Bi itzulietako saioetan lorturiko puntuak batuko dira azken sailkapena osatzeko.