Ezkio

Almendrazko teilak egiten ikasteko aukera familian, Rafa Gorrotxategiren eskutik

Igartubeiti baserri museoak familientzat prestatu ohi duen programaren barruan, proposamen eragarkarriarekin datoz asteburu honetan. Izan ere, igande honetan almendrazko teilak egiten ikasteko aukera izango da familian, Rafa Gorrotxategi gozogile ezagunaren eskutik.

'Mundua lau zaporetan margotuta' erakusketaren esparruan, Gastromuseum-ek, familian gozatzeko jardueren proposamen bat diseinatu du eta oraingo honetan almendrazko teilen ingurukoa izango da.

Parte hartzeko beharrezkoa da izena emateko online Igartubeitiren webgunean; 943 72 29 78 telefonora deituta edota igartubeiti@gipuzkoa.eus helbide elektronikora idatzita. Helduek 6 euro ordaindu beharko dute eta haurrek 3.

'Mundua lau zaporetan margotuta' erakusketa urte amaiera arte izango da ikusgai Igartubeitin. Erakusketa honek euskal kulturaren eta sukaldaritzaren jatorria eta berezitasuna 4 saltsarekin ezagutzeko aukera ezin hobea: beste zibilizazio batzuen ekarpenak, kondairak, uztartzeak, errezetak...euskal gastronomia bere historiaren bidez hobeto ulertzeko osagai guztiak.