Ezkio

Bake epaile berria izendatzeko prozesua abian dago eskaera epea zabaldu delarik

Ezkio-Itsaso bake epailerik dago, orain arte zegoenk karguari uko egin ostean. Hala, ordezkoa ez dagoenez, Ezkio-Itsasoko Udalak jakitera eman du Udal Osoko Bilkurari dagokiola bake epaile titularra eta ordezkoak izendatzea. Eskaerak aurkezteko epea zabalik dago datorren astera arte. Eskaerarik egongo ez balitz, Udal Osoko Bilkurak askatasunez egingo du hautaketa.

Bake epaile izateko honako baldintza hauek bete behar dira: Estatu espainiarekoa eta adinez nagusia izatea; eginkizun judizialerako ezgaiturik ez egotea; eskubide zibilen egikaritzan egotea; maltzurkeriazko delituengatik kondenatua ez egotea, eta auzipetu edo errudun ez izatea, askapena edo largespena lortzen ez den bitartean.

Bestalde, ez da inolako titulario berezirik eskatzen, bake epailearen betebehar eta eginkizunak betetzeko behar adinako gaitasuna izatea baizik. Kargua lau urterako izango da.