San Bartolome jaiak bihar amaituko dira, bost eguneko egitaraua osatuz

Parrillada festa eta Alaiki taldearekin jai giroa izan zuten atzo azken orduan itsasoarrek eta asteburuan festei gogoz heltzen jarraituko diete, ekintzez jositako bi egun izango baitutzte. Hitzordu bikaina dute txirrindulariek gaur arratsaldean, azken urtetan arrakastatsua bilakatu den Mendi Bizikleta trabesia egingo delarik, 16:30etik aurrera. Gainera, antolatzaileek gogoratu dutenez, asteburu osoan zehar zirkuitua prest egongo da bai txirringaz eta baita oinez egin nahi dutenek honetaz gozatu dezaten. Ondoren, paella lehiaketa herrikoia izango da plazan eta eguna borobiltzeko, Iñigo Etxenike DJ-ak girotuko ditu festak.

San Bartolome jaiak igandean izango dituzte azkeneko ekintzak. 11:00etan hilerrian izango da meza eta amaitzerakoan, herriko plazan, herriko produktuen azoka txikia egongo da. Bukatzeko, ondareari buruzko emanaldia izango dugu bertan.