Ehiza postuetara hautatzeko zozketak

Ehiza denboraldia abian da Ezkio-Itsason ere eta gure lurretan kokatuta dauden 60 postu inguruetara hautatzeko aukera astean hirutan ematen da, Anduagako plazan egiten diren zozketatan.

Aurreko urtean egin zen bezala, zozketak hiru egunetan egiten dira, arratsaldeko 20:00etan izena eman eta 20:30ean zozketarekin hasiz. Ostiraletan, larunbata, igande eta astelehenean ehizatzeko zozketak burutzen dira; astelehenetan, astearte eta asteazkenerako; eta asteazkenetan, ostegun eta ostiralerako. Zozketak Santa Lutzia auzoko enparantzan egiten dira, eta hauetan parte hartzeko federatuta egotea beharrezkoa dela gogoratzen da.