Erakusketa eta pintxo eta sagardo dastaketa, larunbatean Igartubeitin

Euskal kulturaren eta sukaldaritzaren jatorria eta berezitasuna lau saltsarekin ezagutzeko aukera ezin hobea dakar larunbat honetarako Igartubeiti Baserri Museoak: 'Mundua 4 zaporetan margotuta' erakusketa eta ostea pintxoa eta sagardoa doan.

Bi deialdi daude, lehena goizeko 11:00etan euskaraz eta, ostean, 12:30ean gaztelaniaz. Igartubeiti Baserri Museoak antolatutako ekimenetan ohikoa den bezala, aurrez izen ematea beharrezkoa da. Hartarako, nahi duen orok 943 72 20 42 edo 688 640 534 telefonoetara dei dezake edo turismobulegoa@urolagaraia.com helbide elektronikora idatz dezake.

Erakusketa honek euskal kulturaren eta sukaldaritzaren jatorria eta berezitasuna 4 saltsarekin ezagutzeko aukera ezin hobea: beste zibilizazio batzuen ekarpenak,kondairak, uztartzeak, errezetak…euskal gastronomia bere historiaren bidez hobeto ulertzeko osagai guztiak.

«Gure sukaldaritzako lau saltsa enblematiko horien historiaren bidez, hobeto ulertuko dugu euskal gastronomia. Kontinente guztietatik etorritako osagaiak dituzten lau elaborazio. Gure geografia kostaldetik barrualdeko mendietaraino zeharkatu dute, hirietan finkatuz, eta munduko toki guztietara iritsiz nabigatzaile, arrantzale, monje, etorkin, gastronomo, sukaldari, bidaiari eta turisten bitartez», azaldu dute.

Erakusketa hau Igartubeitin jaio da, Euskadiko dolare-baserri bakarrean, baserrien berezko bizimoduari hurbiltzen duena ikuslea. Igartubeiti gastronomiarekin oso lotuta dago, artatxikitik hasi eta XVII. mendean ameriketatik iritsitako artoa arte. Azken horrek baserriaren arkitektura eraldatu zuen, aletegi batez hornituz. Baina, zalantzarik gabe, edaria da protagonista, sagarrak prentsatzeko eta ondoren sagardoa egiteko erabiltzen zen dolare handia baitu ardatz. Sagardoa gure lurraldean gehien kontsumitu den edaria izan da, eta gaur egun ere euskal gastronomian funtsezko uztarketa da. Igartubeiti Baserri Museoa sagardoaren kultura ezagutzeko leku idilikoa da.

Erakusketak hainbat espazio berezitan zehar bidaiatuko du denboran zehar. Bisitariek euren mugikorra erabiliz egin ahal izango dute bisita autogidatua, eta gastronomia-liburutegiaz gozatzeko eta «euskal erara» erretratatzeko aukera izango dute, sukaldari, artzain edo arrantzale jantzita. Gainera, hainbat jarduera espezifiko diseinatu dira Gastromuseums sarearen eskutik, hala nola bisitaldiak dastaketekin eta familientzako tailerrak.