Ezkio

Esperientzia bereziak bizitzeko aukera izango da Igartubeitin

Abuztuan esperientzia bereziez gozatzeko aukera aparta egongo da Igartubeiti Museo Baserrian. «Bihar bertan, baserriko dolarearen sekretuak ezagutu, sagarren usaina harnastu eta zaporea sentitzeko saioa egongo da, sagarra jotzeko erabiltzen ziren erritmo musikalak praktikatu, birrindu eta muztioa dastatzeko parada ere izango da gazta pintxo batekin», iragartzen dute. «Esperientzia sentsorial ahaztezina izango dugu!», nabarmentzen dute. Ekintza hau, bihartik haratago, abuztuaren 16, 23 eta 30ean eskainiko dute baita, 10:30etan. Izena emateko 943 72 29 78 telefono zenbakira deitu edo igartubeiti@gipuzkoa.eus helbide elektronikora idatzi behar da. Honekin batera, beste proposamen ugari daude hilabete honetarako, hala nola, Urola Garaiko turismoko bisita eta dastaketa edo Euskadi Gastronomikak antolatutako 'Mundua lau zaporetan margotuta' erakusketa.