Ezkioko Ama Birjinaren lehenengo agerraldien 91. urteurrena ospatu da

Aurreko asteko ostegunean, ekainaren 30ean, Ezkioko Ama Birjinaren lagunek herriko agerraldien 91. urteurrena ospatu zuten ekintza desberdinekin.

Bederatziurrenaren ospakizunaren ondoren, meza bat aurrera eraman zuten Santa Lutzia auzoko San Pedro elizan, hau Fernando Altolagirreren gidaritzapean eta Antonio Maria Artolaren laguntzarekin batera aurrera eraman zelarik, eliz-kantuez lagunduta. Ondoren, Antonio Maria Artolaren hitzaldia ospatu zen, honek agerraldien inguruko azalpenak eta kronologikoki deskribapenak eman zituelarik.

Artolaren esanetan, Ama Birjiniak nahi duena guk otoitz egitea da. «Arrosarioa otoitz dezagun, gizartearen arazoak konpontzeko», esan zuen Artolak. Jardunaldia amaitzeko, bazkari bat ospatu zuten elkarrekin eta Ama Birjinaren aurrean egin zuten otoitz.

«Ezkiokoa bizirik jarraitzen du», azaltzen du Sabino Legarda-Ereñok, Ama Birjinaren Lagunak taldearen partaideak.