Gabonetako patinaje ikastaroan izena emateko azken eguna

Gaur, Udalak Gabonetarako antolatutako patinaje ikastaroan izena emateko azken eguna izango da. Haur, gazte eta helduentzat zuzendua dago ekintza, 5 urtetik aurreko herritar orori.

Ikastaroa abenduaren 26, 27, 28, 29 eta 30ean eraman nahi da aurrera eta ordutegiak 16:00etatik 17:30etara lehenengo taldearentzat eta 17:30etatik 19:00etara bigarren talderentzat izango lirateke. «Norberak bere patinak ekarri beharko ditu eta kaskoa derrigorrezkoa izango da», azaltzen dute. Izen emate epea gaur arte dago zabalik eta udaletxeko 943721303 telenora deituz egin daiteke.

Izena eman ondoren, WhatsApp taldea osatuko litzateke parte-hartzaileekin ikastaroaren berri emateko. Prezioa 30 eurokoa da haurrentzat eta 50 eurokoa helduentzat. «Taldea osatzeko 10 pertsona beharko dira eta gehienez, 15 persona egongo dira. Asmoa bi talde egitea da, lehenengoa hasi berrientzako eta bigarrena berriz, jarraipenekoa», aditzera ematen dute.

Oraingoz, oso jende gutxik eman du izena. Horren arabera, ikastaroa aurrera atera edo ez aztertuko da.