Ezkio

Gazteleku zerbitzua martxan, aurkezpen bilera izango da gaur

Atzotik martxan da berriz ere Gaztelekuaren zerbitzua Ezkion, 2016tik aurrera jaiotako haurrentzat. Izan ere, haurrak elkarrekin egoteko espazio bat eskaintzea da ekimen honen helburua, beraien arteko harremanak eta interakzioak sustatzen dituen gune bat, hain zuzen. Haiek kudeatuko dute gunea eta ardura familiena izango da. Monitore bat izango da bidelagun, antolaketa kudeatzen lagunduko duena eta ekintza berezietan salbu, bera lokalean egongo da beti. Ekintza berezietan familiei eskatuko zaie antolaketarako laguntza.

Gaztelekua astelehen eta asteazkenetan egongo da zabalik, arratsaldez. Azarotik apirilera 16:30etik 19:00etara eta maiatzetik urrira, berriz, 16:30etik 19:30etara. Horrez gain, igandetan ere egongo da zerbitzuak gozatzeko aukera 15:30etik 20:00etara bitartean.

Urteko kuota 10 eurokoa izango da. Honen guztiaren berri emateko eta edozein zalantza argitzeko, aurkezpen bilera egingo da gaur arratsaldean, 18:00etatik aurrera, Ezkioko udaletxean.