Herriko traste zaharren bilketa bihar izango da

Sasieta Mankomunitateak, orain arte egin izan duen bezala, hileko traste zaharren bilketa aurrera eramango du, eta azarokoa bihar izango da.

Hilabetean behin jasotzen dira Ezkio-Itsason traste zaharrak, hileko laugarren ostegunean, eta gogoratu behar da trasteak ezin direla edozein ordutan atera eta hauentzako ere leku zehatz bat dagoela. Horrela, herrian zehar kokatuta dauden zabor-guneetan utzi ahalko dira, egunean bertan, gaueko 21:00etatik aurrera.

Sasietatik azpimarratu nahi dute trasteak edukiontzien kontra ez direla utzi behar, pasabidea ezin dela oztopatu eta edu-kiontzien erabilpena ere ezin dela galerazi. Egun honetarako atera daitezken materialak ondorengoak izango dira: altzariak, koltxoiak, etxetresna elektrikoak (garbigailuak, hozgailuak, ordenagailuak, telebistak...) eta bestelako traste erabilezinak ere.

Imprimagailuetako tonerrak birziklatzeko aukera ere eskaintzen da Ezkio-Itsason, hauek jasotzeko gune bakarra udaletxean bertan kokatuta dagoelarik.