Jai eguna Kizkitzako baselizan

Irailaren 8a, Kizkitzako amaren eguna, berezia izan ohi da itsasoarrentzat eta aurtengoan ere halaxe izan zen. Festa nagusiki ermitaren bueltan bertan gauzatu zen arren, meza eta erromeriarekin, Mandubin eta Itsason ere izan zen jai girorik. Ohi den moduan, Ezkio-Itsasotik ez ezik, inguruko herrietako, hau da Ormaiztegi, Azkoitia, Azpeitia, Beasain, Zumarraga, Urretxu, eta abarreko, jendea ere gerturatu zen baselizaraino. Iluntzean, ohitura jarraituz, festak Itsason jarraitu zuen, trikitilariek giroturiko afari jendetsuarekin.