San Joan bezpera elkarrekin ospatuko dute ezkiotarrek

Herriko ospakizunak aurrera doaz eta datorren astean lagun eta senide artean urtero gogoz ospatzen den bat datorkigu, San Joan bezperako topaketa hain zuzen ere.

Urte pare batetan pandemiak ekarritako ohar eta betebeharrak zirela medio, suaren festa hau ezin izan da ospatu herri mailan (hala ere etxeetan sua egin da), baina aurtengoan berriro heldu diote honi eta herritarren parte hartzera animatzen da. Ostegunean, ekainaren 23an izango dugu San Joan bezperako jaia Ezkion, 20:30ean herriko plazan elkartu eta afaria egingo delarik; beti bezala, bakoitzak berea eramango du.

Gaueko 22:00etan sua piztuko da eta txokolatea banatuko da bertaratutakoen artean.