'Keramikaren bitxikeriak' tailerra Igartubeitin egingo da azkenean

Pott Keramika eta Isla Pitxiak-en eskutik egingo den keramikaren bitxikerien gaineko tailer esperimentala ez da, azkenik, Ezkioko Gaztegunean egingo, Igartubeiti baserri museoan baizik. Tailerra bi saioetan garatuko da. Lehena otsailaren 8an izango da eta bigarrena otsailaren 22an. Hitzordua arratsaldeko 17:00etan izango da.

Gaur egun oso modan dagoen artisau lanbide bat ezagutuko dute, keramika. Lehenengo saioan, keramika erabiliz eskultura baten sorkuntzan lan egingo dute. Bigarren saioan, lanaren emaitza jaso eta Isla Pitxiak osagarrien proiektua ezagutuko dute.