Patinaje ikastaro berria ekainaren 22an hasiko da

Ekainaren 22, 23, 27 eta 28an ospatuko da patinaje ikastaro berria Ezkio-Itsason, honetan bai aurretik parte hartu duten herritarrek eta baita interesdun berriek ere parte hartzeko aukera izango dute, bi taldetan banatuz eta ordutegia desberdina izango delarik.

Talde berria arratsaldeko 17:00etatik 18:30ak bitartean elkartuko da Alegiako pilotalekuan; eta aurreko taldea berriz arratsaldeko 18:30etatik 20:00ak bitartean izango ditu klaseak.

Izena emateko epea ekainaren 13ra arte, astelehena, egongo da zabalik eta honetarako udaletxera deitu beharko da 943 72 13 03 zenbakira. Bost urtetik aurrerako haurrek eman dezaketela izena; norberak bere patinak eraman beharko ditu.