San Pedro eguna, aurtengo jaiak agurtzeko

Ostiralean martxa hartu zuten aurtengo San Pedro jaiek eta asteburuan zehar ugariak izan dira aurrera eraman diren ekintzak, hauen artean Herri Bazkaria, txapelketak, haurrentzako jolasak eta musika falta izan ez direlarik. Egitaraua aurrera doa eta bi egunetako atsedena egin ondoren, bihar festetako azkena izango dugu, ezkiotarrek San Pedro Eguna ospatuko dutelarik. 11:00etan hasiko da meza eta ondoren, luntx herrikoia egongo da plazako karpan. 17:00etan puzgarriak egongo dira haurrentzat eta jarraian, txokolatada egingo da. Amaitzeko, 19:00etan urtetan ospatu izan den tortilla lehiaketa hasiko da herrian.