Tailer eta bisita bereziak asteburuan museoan

Urola Garaia Turismoak Basque Tour-ekin eta Gipuzkoa Turismorekin lankidentzan, Industria Turismoari buruzko jardunaldia antolatu du asteburu honetarako, prestatutako tailer eta bisita berezi hauetako batzuk Ezkio-Itsasoko Igartubeiti baserri museoan aurrera eramango direlaik.

«Ezagutu Industria Turismoa barrutik- Ate irekiak, lelopean, larunbatean eta igandean eskualdeko baliabide ezberdinetarako doako bisitaldiak antolatu dira interesa duen herritar orok industria ondarea ezagutu dezan. Bisitak, bakarka, taldean nahiz familian egiteko planak izango dira. Aurrez, ostiralean, Industria Turismoari buruzko solasaldia burutuko dute profesionalentzat.

Proiektu honen barruan 'Egin ezazu zure sagar zukua' familiei zuzendutako tailerra eta baserri-dolarera bisita bereziak aurkitzen ditugu.

Horrela, larunbatean goizeko 11:00etan 'Dolarea, zurezko tramankulu mekanikoa' bisitan parte hartu ahalko da; eta 11:30ean hasiko da familientzeko tailerra. Arratsaldeko 17:00etan beste bisita gidatu bat egongo da.

Igandean berriz, goizeko 11:00etan eta 12:30ean hasiko dira bisita bereziak.