Udalekuen lehenengo astea bikain igaro dute

Bost asteko udalekuetan parte hartzeko aukera dute itsasoarrek uda honetan eta lehenengoa amaitu da dagoeneko, parte hartu duten bost haurrek ederki pasatzeko aukera izan dutelarik. Sukaldaritza ikastaroarekin hasi ziren hauek astelehenean; ondoren dantza, musika, eskulanak, jolas kooperatiboak... Eta Pott keramikako tailerrean egindako lan txukunekin itxi zuten atzo astea, pozik. Datorren astelehenean berriro hartuko dute hauek martxa, ekintza berriekin.