Ur-jolasak eta piszina izan dira aste honetan nagusi

Ekainaren 27an abiatu ziren Itsasoko udalekuak, sei neska-mutilekin lehenengo egun haietan. Aste honetan hiru umek parte hartu dute eta gaur hirugarren asteari amaiera ematen diote, paseotxo batekin.

Hirugarren astea igaro berri da Itsasoko udalekuetan eta honetan piszina eta ur jolasak izan dituzte nagusi, aste honetan parte hartzen dute hiru haurrek, izan dugun beroarekin ziur eskertu dutelarik. Baina hauek ez dira ekintza bakarrak izan eta sukaldaritza saioa edo pintura ere aurrera eraman dira aste honetan, gaur San Lorentzora egingo duten paseoarekin asteko egitarauari amaiera emango diotelarik.

Bi aste ditugu aurrerantzean oraindik Itsasoko udalekuak amaitzeko eta laster hauen egitaraua ezagutuko dugu.