Urteko azken pilota erakustaldia, belaunaldi berrien eskutik

Ezkioko pilota eskolak Gabonetan eskainiko duen erakustaldia prestatzen darrai ilusioz. Abenduaren 31an izango da, goizeko 11:00etatik aurrera, Ezkioko frontoian. Parte-hartzaile txikienek 5 urte izango dituzte eta haundienek 12 urte. Belaunaldi berrien urratsak ikusteaz gain, edan, jan eta solasaldian aritzeko aukera izango dute bertaratzen direnak. Antolatzaileek edariak eta pintxoak eskainiko dituzte debalde hurbiltzen direnentzat.

Erakustaldiak hiru atal izango ditu. Alde batetik, eskolako txikienek jokuak egingo dituzte, bestetik, alebinek mano-mano txapelketa jokatuko dute eta azkenik, infantilek erakustaldia eskainiko dute.