Goierri Oxykor taldeko nesken garaipena Tolosan

Cristina Limia

Urretxu

Martes, 26 de noviembre 2024 | Actualizado 27/11/2024 20:11h.

Comenta

Goierri Oxykor saskibaloi taldeak garaipen gozoa lortu zuen pasa den igandean Take Orbinox taldearen aurka Tolosako Usabal polikiroldegian,39-41 emaitzarekin gailenduz. «Gure kadete neskek sekulako partida jokatu zuten etxetik kanpo, taldearen lehen garaipena lortuz. Partida oso parekatua izan zen uneoro. Lehen eta bigarren laurdenetan ... ez zen talderik gailendu, bai tolosarrek eta bai urretxuarrek egundoko jokoa egin baitzuten. Horrela, atsedenera 27-26 markagailuarekin iritsi ginen», azaltzen dute. «Hirugarren zatia Takek eraman zuen, 8-5 partzialarekin. Hala ere, goierriko neskek oso ongi jokatu zuten, batez ere, defentsan. Laurden erabakigarria, ordea, laugarrena izan zen. Erasoan lasaitasuna mantenduz eta defentsa gogor batekin, Goierriko neskek berdinketa lortu zuten, 39-39, amaierarako bi minutu falta zirenean... Azkenik, urretxuarrek saskiratze bat egin eta garaipena lortu zuten», gogora ekartzen dute harro.