Urretxu

San Joan Pilota Txapelketaren bueltan, egun berezia Goierri Pilota Elkartean

Ohiturari eutsiz, maiatza bukaeran hasi eta ekainean zehar, Goierri Pilota Elkarteko pilotarientzat antolatzen den San Joan Txapelketa ospatzen ari da. Sailkapen fase desberdinak jokatu ondoren, azken faseko kanporaketak aste honetan burutzen ari direla aditzera ematen dute, hain zuen, pasa den astelehenean, atzo eta bihar, arratsaldeko 17:00etan, Ederran.

Txapelketako finalak larunbatean, ekainak 22, jokatuko dira aurre-benjamin, benjamin, alebin eta infantil mailatan. Jaialdia goizeko 10:30ean hasiko da Ederrenan eta denboraldiari behar bezalako amaiera emateko, Goierriko pilotari eta gurasoen arteko bazkaria ospatuko da finalen ostean. Bazkal ondoren, pilota jokoak izango dira Ederrenan bertan haur eta helduen-tzat ere, arratsaldeko 16:30etik aurrera.

Era berean, 2024-2025 denboraldirako izen-ematea abian da Goierri Pilota Eskolan. Lehen Hezkuntzako umeetatik hasita, esku pilotan interesa duten neska-mutilek parte hartu dezakete. Izen-ematea Goierri Pilota Eskolako goierripilota.blogspot.com web orriaren bidez egin ahalko da.