Urretxu

Urretxu-Zumarraga Ikastolako ikasleek egitasmo solidario berria jarri dute abian

Cristina Limia

Urretxu

Jueves, 14 de marzo 2024, 21:12 | Actualizado 21:37h.

Comenta

Urretxu-Zumarraga Ikastolako 6. mailako ikasleak proiektu solidario berri bat dute esku artean. Martxoa, kolore morez jazten den hilabetea izanik, emakumeen osasun eta higiene pertsonalerako produktuen bilketa bat egin nahi dute. Bildutako guztia Gipuzkoako Elikagaien Bankura bidaliko dute Urretxun dagoen lan taldearen bitartez eta bertako boluntarioek beharra duten familien artean banatuko dituzte.

Bilketa datorren asteko astelehenean eta asteartean eramango dute aurrera, martxoaren 18an eta 19an, Urretxu-Zumarraga Ikastolan bertan, idazkaritza ondoan. Bilketa honen helburua, ahalik eta konpresa eta toailita gehien eskuratzea izango da.

Ikastolatik ekimenean parte hartzera animatzen dituzte herritarrak, ahalik eta emakume gehienei laguntzeko helburuarekin. «Emakumeen osasuna, hau ere badelako...», adierazten dute ikasleek.