Deba

Eñaut Agirre eta Unai Agirrerekin bertso jarriak hilaren 19an Lasturren

Itziarko Auzo Udalak iragarri duenez, bertso saio berezia izango da urriaren 19an Lasturko tabernan. Izan ere, Eñaut Agirre eta Unai Agirrerekin 'Auskalo zeinek jarriak' izenburupean bertso jarriak izango dituzte afaltzen duten bitartean. Hitzordua 20:30an jarri dute. Afariko menua hauxe izango da: entsalada nahasia, etxeko fritoak, txahal saiheskia, etxeko flana, edaria eta kafea. Prezioa 25 euro, eta izena emateko Lasturko tabernara deitu beharko da, 943 19 90 33 telefono zenbakira. Horretarako azken eguna urriaren 16a izango da.