Deba

Euskaraldirako dinamizatzaile bat kontratatzeko prozesua abiatu berri dute herrian

Euskaltzaleen Topaguneak 2025eko maiatzaren 15etik 25era bitartean ospatuko den IV. Euskaraldia ariketa soziala Deban dinamizatzeko pertsona bat kontratatzeko prozesua abiatu du, Udalarekin elkarlanean.

Hautatutako pertsonak Debako Euskaraldiaren jarduerak koordinatu eta dinamizatzeko ardura izango du. Kontratazioa aldi baterakoa izango da, egunean 4 orduko lanaldiarekin, eta kontratuak sei hilabeteko iraupena izango du, 2025ko urtarrilaren 7tik ekainaren 6ra arte.

Dinamizatzaile postua bete-tzeko interesa dutenek abenduaren 8ra arte egin ahal izango dute eskabidea, Lansarean.eus webgunearen bidez edo jon@topagunea.eus helbide elektronikora mezu bat bidaliz.

Deialdi honi buruzko informazio guztia Lansarearen webgunean kontsultatu daiteke.