Deba

Euskarazko kultur ekintzak izango dira uztaileko ostiral gauetan Plaza Zaharrean

Debako Udalak antolatzen duen 'Iturri ondoan' egitasmoaren hamaikagarren edizioarekin disfrutatzeko aukera izango da datorren hilabetean zehar.

Aurreko urteotan bezala, euskaraz sortu eta pentsatutako kultur ikuskizun ezberdinak izango dira uztaileko ostiral gauetan Plaza Zaharrean (denak 22.00etan hasiko dira).

Edonola ere, aurtengo 'Iturri ondoan' egitasmoa ... datorren ostiralean, uztailaren 5ean, abiatuko da. Egun horretan Borobil antzerki taldearen eta zuzeneko musika duen 'Ali baba eta 40 lapurrak' antzezlan dibertigarria izango da ikusgai. Uztailaren 12an, berriz, literatura, irudia eta musika uztartuko dituen 'Begiradak' ikuskizunarekin gozatzeko parada egongo da Plaza Zaharrean.