Gazte Asanbladaren XXIV. urteurrena ospatzeko ekintzek larunbatean jarraituko dute

Debako Gazte Asanbladak larunbatean emango dio jarraipena bere sorreraren XXIV. urteurrena ospatzeko antolatutako egitarauari.

Eguneko ekintzak abiatzeko karropoteoa izango da Debako herrigunean zehar (20.00etatik aurrera) eta horren ondoren (22.30ean) Guri 5 taldearen eta DJ Martiren emanaldiak Gaztetxean.

Edonola ere, Gazte Asanbladaren XXIV. urteurrena ospatzeko ekitaldiak ez dira hortan geratuko. Hilaren 29an umeentzako ipuin kontaketa musikatua (18.00etan) eta ATX konpainiaren 'Balbea' helduentzako antzezlana (22.00etan) izango dira Gaztetxean, eta 30ean Gazte Asanbladako kide eta kide ohien bazkaria (14.30ean gaztetxean).

Egitaraua borobiltzeko mural bat margotuko dute abenduaren 1ean (19.00etan) Gaztetxeko patioan.